Guillaume

De Guillaume a seng Kolleege ginn et a ville Faarwen an dat mat Lëtz make it happen-Symbol oder ouni dëse glécklechen a frëndleche Péckvillchen huet de Schniewel liicht op an trällert dobäi ee lëschtegt Lidd de Guillaume gouf vum Herman mat dräi Téin kreéiert

De Péckvillche kritt ee fir 25 € bzw. 30 € an dat op Ouschterméinde vun 10:00 Auer un. Reservatiounen a Virbestellunge sinn net méiglech!

De Schwaarz-Schniewelchen

Dëse Péckvillchen ass eng Hommage un d’Natur d’Jeanne huet dëse Villchen ouni Form mat ganz vill Léift zu Nouspelt gekniwwelt an op der Hand glaséiert

De Péckvillche kascht 25,00 € a gëtt et a ville verschiddene Faarwen. De Villche kritt een op Ouschterméinde vun 10:00 Auer un zu Nouspelt. Virbestellungen a Reservatioune sinn net méiglech!

De Lëtzebuerger

Ee Lëtzebuerger Péckvillche wollt an d’USA reese fir do een Deal aus ze handelen zeréck ass en awer just mat vill Souvenire komm d’Villercher goufe vum Georges a ville Formen a Faarwen erstallt a sinn all Unikater, déi mat Blatgold verschéinert goufen

De Péckvillche kascht 30 Euro a gëtt et op Ouschterméinden zu Nouspelt op der Emaischen vun 10:00 Auer un ze kafen. Virbestellungen a Reservatioune sinn net méiglech!

Ouschterméinden

Op Ouschterméinden, de 6. Abrëll, ass déi traditionell Emaischen an de Stroosse vun Nouspelt  Komm bis laanscht ee Péckvillchen an aner Äerdewuere bewonneren, ee Pättchen drénken an eppes Leckeres iessen An dat och nach bei engem volle Programm bei deem fir jiddereen eppes dobäi ass 

Ouschtersonnden

Um 2. Dag vun der Nouspelter Emaischen, Sonndes de 5. Abrëll, suergen d’Abrisshelden by Kontrollverlust fir déi richteg Stëmmung am Zelt Dem Ticket kascht am Virverkaf 15 € an an der Oweskeess 17 €. D’Tickete ginn et bei eise Memberen.

Ouschtersamsten

Komm och du de 4. Abrëll op Nouspelt a feier mat de Providers den 1. Owend vun der 70. Editioun vun der Nouspelter Emaischen den Ticket kascht am Virverkaf 15 € an an der Oweskeess 17 €. D’Tickete ginn et bei eise Memberen.

Pinocchio

De Pinocchio gouf ganz traditionell vum Usch um Tour gedréint Mat senger markanter laanger Nues an aus echtem Nouspelter Leem ass dëse Péckvillchen eenzegaarteg Den Aulebäcker Usch huet 200 Stéck a verschiddene Faarwe gemaach

De Pinocchio kascht 30 Euro. D’Modeller kann een net reservéieren a kritt ee just op Ouschterméinden zu Nouspelt op der Emaischen vun 10:00 Auer un ze kafen.

Tico

Dëse Péckvillche soll fir vill Liewensfreed stoen an dat ganzt ënnert dem Motto “Pura Vita” Pura Vita ass spuenesch a steet dofir och déi kleng Saachen am alldeegleche Liewen ze genéissen Den Tico gouf vum Marcy fir dëst Joer kreéiert an et gëtt dësen häerzleche Péckvillchen a ville verschiddene Faarwen a Gréissten

Ouschterméinden am Zelt

Dir wësst nach net, ob dir op Ouschterméinde kachen oder bestelle sollt? Wéi wier et da mat engem leckere Menü vum Traiteur Niessen zu Nouspelt am groussen Zelt bei beschter Ambiance! Maacht iech also séier bäi a reservéiert elo schonn är Menuen, fir dass dir dësen op Ouschterméinde genéisse kënnt

De Stärekucker

Dëse verdreemte Péckvillchen huet de Kapp an d’Luucht gestréckt fir sech d’Stären iwwert him méi genee kënnen unzekucken Dobäi dreemt de Villche vun all deene Saachen, déi hie glécklech maachen

D’Nathalie huet sech um klenge Prënz inspiréiere gelooss fir dëse Péckvillchen ze kreéieren

De Stärekucker kascht 25 Euro. D’Modeller kann een net reservéieren a kritt ee just op Ouschterméinden zu Nouspelt op der Emaischen vun 10:00 Auer un ze kafen.

Tickete fir déi 70. Emaischen

Tickete fir déi 70. Emaischen ginn et wéi gewinnt bei eise Memberen, op Facebook an op Instagram 

Et kann een en Ticket fir Samschdes oder fir Sonndes kafen  Déi kaschte jeeweils 15 € pro Owend an ee Kombi-Ticket fir déi zwee Owend gëtt et net.

D’Oweskeess ass dëst Joer pro Owend 17 €.

Mir freeën eis op iech